MONTISBELICARDUM

MONTISBELICARDUM

vulgo Mombeillard: oppid. Sequanorum, sub Comite, ex familia Wirtembergica. Hoc ne burgundicum agnosceret feudum Henricus fil. Ulrici, A. C. 1480. demortui, neque Dolae compareret, ab Imperatore iussus est. Hinc idem Basilienses et Sundgoios, pro Carolo Burgundo, A. C. 1474. infestavit, mortuus Uraci, A. C. 1519. Pater communis duarum linearum, Ducalis primae, per filium Ulricum et Montisbelicardicae, seu Ducalis secundae perfilium Georgium. Ulricus a Carolo V. Ducatu exutus; Montisbelicardicommoratus est, A. C. 1525. illudque Galiae Regi oppigneravit, A. C. 1533. sed reluit A. C. 1534. religione Euangelicâ in Principatum introductâ. Lineâ eius in Ludovico Pio, A. C. 1593. exstincto, terminatâ: successitagnatus Fridericus, sub quo Colloquium constitutum est A. C. 1586. inter Bezam ac Musculum, ab una: et Iac. Andreae, Luc. Osiandrum et Theod. Schnepfium, ab altera parte, nullô successu. Hinc Legatus Principum German. in Galliam profectus est. Obiit A. C. 1608. Pater Ioh. Friderici, qui Stutgardianum, Ludov. Fridetici, qui Monpelicardensem. et Iulii Friderici, qui Iulianum seu Brentianum ramum orsus est. Medius itaque Monpelicardum nactus, reditus suos, absque subdtorum onere, aliquot fodinis et fabricis ferri institutis, non parum auxit: Mortuus A. C. 1631. Ei fil. fuit Leopoldus Fridericus, sub quo oppidum a Gallis protectum est: usque ad pacem Monasteriensem, quâ, deductô praesidiô Gallicô, Princeps ditionem recepit. Moriens A. C. 1662. successorem reliquit fratrem Georgium eruditione inclitum, qui ductâ, Annâ, filiâ Gasparis Colinii Marescalli, multa in Gallia bona obtivit: e quibus Castellione ad Lupam venditô, Colinium dominium retin vit. Pater trium filiarum Henricae, Eleonorae Carolae, et Annae: ac filii Eberhardi Leopoldi. Principatus eius a Gallis, sub finem A. C. 1676. occupatus est. Vide Phi. Iac. Spenerum Syll. Geneal. Hist. et Mons Belligardus.